Хайлт

Эрхэм санхүүчид та бүхэнд Сангийн сайд, СЗХ-ны даргын 2012 оны 11 дүгээр сарын 08-ны өдрийн 232/216 дугаартай хамтарсан тушаалаар батлагдсан ХЗХ-д мөрдөх "Санхүүгийн тайлангийн А маягт"-ыг ашиглахад хялбар болгож, MS Excel хэлбэрээр хувирган бэлтгэснийг хүргэж байна. Доорх файлыг татаж авна уу .

Шинэхэн нягтлан бодогч та хуучин нягтлан бодогчоос ажлаа хүлээн авахдаа дараах зүйлсийг заавал аваарай. Баталгаажсан жилийн эцсийн санхүүгийн тайлан файлаар, цаасан гарын үсэг дарж тамга дарсан хэлбэрээр /Сангийн яамны сайт руу ороод шалгаад тоонуудыг тулгаж авна./ Харилцахын хуулга, Кассын тайлангуудыг файлаар, цаасан гарын үсэг зурсан цаасан хэлбэрээр /Харилцах данс руугаа интернэт банкныхаа эрхээр орж мэдээллийн зарим хэсгийг шалгаарай./ Ерөнхий журнал файлаар /Санхүүгийн тайланг шалгах, хянах, өмнө нь бичиж байсан дансны харьцааг харах, аудит, татвар, Нд-ийн шалгалтанд ороход таныг эрсдэлээс хамгаална./ Гүйлгээ баланс файлаар /Дансдын эхний болон эцсийн үлдэгдэл, хөдөлгөөнийг харах, шалгах, хянах, данс бүрийн үлдэгдэлтэй тулган дэлгэрэнгүй болон товчоо тайлангуудын үлдэгдэл, орлого зардлагын хөдөлгөөнийг тулган авахад ашиглах бөгөөд дараагийн шалгалтууд шинжилгээнүүдэд ашиглагдана./ Сангийн яамын сайт дахь https://ebalance.mof.gov.mn/ санхүүгийн тайлангийн орох эрх болон нууц үгийг авна. /Нууц үгийг нэн даруй сольж компанийн удирдлагад мэдэгдэж тэмдэглүүлнэ./ Татварын сайт дахь https://etax.mta.mn/ нэвтрэлтийн нэгдсэн системд орох эрх болон нууц үгийг авна. /Нууц үгийг нэн даруй сольж компанийн удирдлагад мэдэгдэж тэмдэглүүлнэ. Одоо их амар болсон татварын эрхээр нэвтэрч санхүүгийн тайлангийн мэдээлэл хэсгийг сонгоод л ажлаа эхэлж болно. / Татварын сайтанд нэвтэрч ороод хуучин нягтлан бодогчийнхоо орох эрхийг хаагаарай. Үүнийг нягтлан бодогч нар мэдэхгүй байгаагаас үүдэн чамайг мэдээгүй байхад өмнөх нябко чинь ибаримт шивэх асуудал их гарч байна АНХААРААРАЙ. Ибаримтруугаа орж хараарай. Амжилт Татварын тайлангийн илгээхэд ТООН гарын үсэг хэрэгтэй тул Файл хэлбэрээр авч тусгайлан хадгалаарай. Бас нууц үг байгаа түүний нууц үгийг солих боломжгүйг анхаараарай. Нийгмийн даатгалын сайт дахь https://www.ndaatgal.mn// НД-ийн тайлангийн орох эрх болон нууц үгийг авна. /Тэгэхдээ аль аймаг, дүүрэг, ажил олгогчийн дугаар, хэрэглэгчийн нэр , хэрэглэгчийн нууц үгийг аваад өөрөө орж үзэн шалгаад Нууц үгийг нэн даруй сольж компанийн удирдлагад мэдэгдэж тэмдэглүүлнэ./ Татвар болон НД-ийн өрийн үлдэгдлийг хуулбарлан авч гарын үсэг зураад удирдлагууддаа өгөөрэй. Түүнээс хойшхи өр төлбөрийн мэдээлэл таньтай холбоотой учраас анхаарч ажиллана. /Өмнөх төлбөрийн үлдэгдлийг хуулийн дагуу төлнө шүү/ Гүйлгээ балансад тусгагдсан авлага, өглөгийн дансны үлдэгдэлд тооцоо нийлсэн эсэхийг шалгаж "Тооцоо нийлсэн акт" -ыг нэг бүртчлэн тулган авна. Гүйлгээ балансад тусгагдсан Бараа материал дансны үлдэгдлийг тулгаж бараа материалын тооллого, тооцоо, нягтлан бодогчийн тооцоо бодсон тайланг гаргуулж хэвлэн авч архивлуулна. Ялангуяа худалдааны байгууллагуудад ашиглан их гарч байгаа учраас тооцоо нийлсэн акт, Нягтлан бодогчийн тухай бүр нь тооцоо бодсон тайлангуудыг хүлээн аваагүй байдлаас үүдэн дараагийн нягтлан бодогч нар асуудалд орох эрсдэл их байгааг АНХААРААРАЙ. Гүйлгээ балансад тусгагдсан Үндсэн хөрөнгийн дэлгэрэнгүй бүртгэлийг гүйлгээ балансын эхний эцсийн үлдэгдэлтэй тааруулж тулган файлаар болон цаасан хэлбэрээр хүлээн авна. /Үндсэн хөрөнгийн картыг аваарай./ Банкны хуулгаа байнга харж хянаж байх учраас интернэт банкыг сонгож хянаж байгаарай. /Нууц үгийг нэн даруй сольж компанийн удирдлагад мэдэгдэж тэмдэглүүлнэ./ Одоо та энэ байгууллагын санхүүгийн эмч болж байгаа учраас ӨМНӨХ нябко мэднэ гээд мэлзэх аргагүй болноо гэсэн үг. АМЖИЛТ. Үнэхээр мэдэхгүй бол эртхэн САНХҮҮГИЙН ментортой болоорой. Ажил хүлээлцэх хүснэгтийг биднээс авч болно. Бид файл хэлбэрээр оруулах болно.

Эрхэм санхүүчид та бүхэнд Төсөвт байгууллагын санхүүгийн тайлан, тодруулгын хамт ашиглахад хялбар болгож, MS Excel хэлбэрээр хувирган бэлтгэснийг хүргэж байна. Доорх файлыг татаж авна уу .

Та бүхэнд Татварын ерөнхий хуулийн 11 дүгээр зүйлд заасан татварын хялбаршуулсан горим /цаашид “хялбаршуулсан горим”/-ыг ашиглах үйл ажиллагааг танилцуулж байна. Аж ахуйн нэгжийн орлогын албан татварын тухай хуулийн 29 дүгээр зүйл Өмнөх татварын жилийн тайлангаар баталгаажсан борлуулалтын нийт орлогын хэмжээ 50.0 сая төгрөгөөс бага бол тухайн албан татвар төлөгч тухайн татварын жилийн 3 дугаар улиралд багтаан хүсэлт гаргасныг харьяалах татварын алба бүртгэж авсан тохиолдолд дараагийн татварын жилээс эхлэн тухайн албан татвар төлөгчийн үйл ажиллагааны орлогын нийт дүнгээр албан татвар ногдуулах орлогыг тодорхойлж болно. Татварын хялбаршуулсан горим ашиглах албан татвар төлөгч нь татварын бүртгэл мэдээллийн нэгдсэн санд холбогдсон байна. Дараах албан татвар төлөгч хүсэлт гаргахгүй: Нэмэгдсэн өртгийн албан татварын тухай хуульд заасан нөхцөл, шаардлагыг хангаж нэмэгдсэн өртгийн албан татварын суутган төлөгчөөр бүртгүүлсэн албан татвар төлөгч; ашигт малтмал, цацраг идэвхт ашигт малтмалын хайгуул хийх, олборлох, ашиглах, тээвэрлэх, борлуулах; согтууруулах ундаа үйлдвэрлэх, импортлох; тамхины ургамал тарих, тамхи үйлдвэрлэх, импортлох; газрын тосны бүтээгдэхүүнийг үйлдвэрлэх, бүх төрлийн шатахууныг импортлох, бөөний болон жижиглэнгийн худалдаа эрхлэх, газрын тос хайх, олборлох, борлуулах. 4. Албан татвар төлөгчийн өмнөх жилүүдийн татварын тайлангаар гарсан алдагдлыг ирээдүйд шилжүүлэн тооцохгүй. 5. Бүртгүүлсэн албан татвар төлөгч Нэмэгдсэн өртгийн албан татварын тухай хуульд заасан нөхцөл, шаардлагын дагуу нэмэгдсэн өртгийн албан татварын суутган төлөгч болсон өдрөөс эхлэн хялбаршуулсан горимоос гарна. 6. Тодорхойлсон албан татвар ногдуулах орлогод 1 хувиар албан татвар ногдуулна. 7. Татварын хөнгөлөлт, чөлөөлөлт эдлэхгүй, гадаад улсад ногдуулан төлсөн татварыг төлбөл зохих албан татвараас хасаж тооцохгүй 8. Урьдчилан тодорхойлсон хуваарийн дагуу улирал бүр төлөх татвараа дараа улирлын эхний сарын 20-ны дотор, жилийн эцсийн тооцооны дагуу татвараа дараа оны 02 дугаар сард багтаан төсөвт төлнө. 9. Жилийн эцсийн татварын тайланг дараа оны 02 дугаар сарын 10-ны дотор харьяалах татварын албанд хүргүүлнэ. Хувь хүний орлогын албан татварын тухай хуулийн 15.6-д заасан хялбаршуулсан горим ашиглах татвар төлөгч Тайлангаар баталгаажсан өмнөх жилийн албан татвар ногдох орлогын хэмжээ 50.0 сая төгрөгөөс хэтрээгүй нөхцөлд тухайн хувь хүн өөрөө хүсэлт гаргаж, уг хүсэлтийг харьяа татварын алба бүртгэж авсан бол түүний үйл ажиллагааны орлогын нийт дүнгээр албан татвар ногдуулах орлогыг тодорхойлж болно. ХҮСЭЛТЭЭ хэзээ өгөх вэ?: Албан татвар төлөгч хялбаршуулсан горим ашиглах хүсэлтийг Аж ахуйн нэгжийн орлогын албан татварын тухай хуулийн 29.1-д зааснаар тухайн татварын жилийн 3 дугаар улиралд, хувь хүн тухайн татварын жилд багтаан “Татварын хялбаршуулсан горим ашиглах хүсэлт”-ийн маягтаар харьяалах татварын албанд хүргүүлнэ. Татварын алба нь энэ журмын 2.1-д заасан хүсэлтийг бүртгэхдээ ажлын 10 хоногт багтаан дараах шаардлага хангасан эсэхийг хянана

Засгийн газрын 2008 оны 142 дугаар тогтоолын 1-р хавсралтаар ҮОМШӨ-ний даатгалын шимтгэлийг 2.8 хувиар төлөх ажил олгогчийн жагсаалт /ЗГ-ын 2017 оны 17-р тогтоолоор өөрчөлт орсон/ Эрчим хүч, уул уурхайн салбар Дулааны цахилгаан станц Цахилгаан шугам сүлжээний газар Дулааны шугам сүлжээний газар Эрчим хүчний нэгдсэн үйлдвэр, уурын зуух Эрчим хүчний тоноглолын туршилт, тохируулгын үйлдвэр Эрчим хүчний тоног төхөөрөмжийн засвар, сэлбэгийн үйлдвэр Дизель зуухны угсралт, засварын газар Нүүрсний ил, далд бүх төрлийн уурхай Алт олборлох, боловсруулах, бүтээгдэхүүн үйлдвэрлэх үйл ажиллагаа эрхэлдэг аж ахуйн нэгж Ашигт малтмал олборлох, баяжуулах, боловсруулах, бүтээгдэхүүн үйлдвэрлэх үйл ажиллагаа эрхэлдэг аж ахуйн нэгж Хар төмөрлөгийн үйлдвэрлэл эрхэлдэг аж ахуйн нэгж Чулуу олборлох, боловсруулах, бүтээгдэхүүн үйлдвэрлэх аж ахуйн нэгж Газрын тос, хий, хими, зам, тээврийн салбар Газрын тос, хийн бүтээгдэхүүнийг боловсруулах, тээвэрлэх, түгээх, хадгалах үйлчилгээ эрхэлдэг аж ахуйн нэгж Газрын тосны барилга байгууламжийн угсралтын ажил эрхэлдэг аж ахуйн нэгж Иргэний агаарын тээврийн нислэгийн үйл ажиллагаа эрхэлдэг аж ахуйн нэгж Иргэний агаарын тээврийн засварын үйл ажиллагаа эрхэлдэг аж ахуйн нэгж Төмөр замын зүтгүүрийн, суудлын болон вагон засварын депо Төмөр замын төв засварын газар Зам, гүүрийн барилга, засвар, арчлалтын ажил эрхэлдэг аж ахуйн нэгж Тээврийн үйлчилгээний бүх төрлийн машин механизм засварлах, угсрах ажил, үйлчилгээ эрхэлдэг аж ахуйн нэгж Химийн үйлдвэр Зам барилгын материалын үйлдвэрлэл эрхэлдэг аж ахуйн нэгж Хүнс, хөдөө аж ахуйн салбар Спирт, бал бурам болон архи, пиво, ундаа, тамхины үйлдвэрлэл эрхэлдэг аж ахуйн нэгж Давс олборлох ажил эрхэлдэг аж ахуйн нэгж Үйлчилгээний салбар Төв болон орон нутгийн цэвэрлэх байгууламж Лифтийн засвар, үйлчилгээ эрхэлдэг аж ахйн нэгж Реклам чимэглэл, гэрэлтүүлэг, хот тохижилтын ажил, үйлчилгээ эрхэлдэг аж ахуйн нэгж Эрүүл мэндийн салбар Эмийн үйлдвэрлэл эрхэлдэг аж ахуйн нэгж Амьтны болон ургамлын гаралтай түүхий эдээр эм, эмчилгээний бүтээгдэхүүн үйлдвэрлэдэг аж ахуйн нэгж

Засгийн газрын 2008 оны 142 дугаар тогтоолын 2-р хавсралтаар ҮОМШӨ-ний даатгалын шимтгэлийг 1.8 хувиар төлөх ажил олгогчийн жагсаалт /ЗГ-ын 2017 оны 17-р тогтоолоор өөрчөлт орсон/ Геологи, хайгуулын салбар Геологи, хайгуулын ажил эрхэлдэг аж ахуйн нэгж Геологийн төв лаборатори болон түүнтэй ижил төрлийн үйл ажиллагаа эрхэлдэг геологи шинжилгээний лаборатори Газрын тосны хайгуул болон шинжилгээний ажил эрхэлдэг аж ахуйн нэгж Эрдэс судлалын болон хэт ягаан туяа ашиглан судалгаа, шинжилгээ явуулдаг аж ахуйн нэгж, байгууллага Уул уурхайн салбар Уулын цэрэгжүүлсэн аврах анги Зам, тээвэр, холбооны салбар Зорчигч тээврийн үйлчилгээ эрхэлдэг аж ахуйн нэгж Ачаа тээврийн үйлчилгээ эрхэлдэг аж ахуйн нэгж Иргэний агаарын тээврийн үйлчилгээ эрхэлдэг аж ахуйн нэгж, нисэх буудал Төмөр замын буудал Авто тээврийн буудал Дугуй засвар, резин эдлэлийн үйлдвэр, техник оношилгооны төв Хот хоорондын сүлжээ ашиглалтын газар Холбох байгууламж ашиглалтын газар Электрон бараа, үүрэн телефон, гар утас угсрах, худалдах, засварлах үйл ажиллагаа эрхэлдэг аж ахуйн нэгж Төмөр замын хамгаалалтын алба Барилгын салбар Барилгын засал чимэглэл, засварын ажил, үйлчилгээ эрхэлдэг аж ахуйн нэгж Барилга угсралтын ажил эрхэлдэг аж ахуйн нэгж Барилгын материал (тоосго, цемент, элс, шавар, эрдэс хөвөн, шохой, бетон эдлэл, керамик, барилгын төмөр хийц, чулуу, гантиг г.м)-ын үйлдвэрлэл эрхэлдэг аж ахуйн нэгж Барилгын бүх төрлийн машин механизмын засвар, үйлчилгээ эрхэлдэг аж ахуйн нэгж Цахилгаан, сантехникийн үйлдвэрлэл, үйлчилгээ эрхэлдэг аж ахуйн нэгж Хүнс, хөдөө аж ахуйн салбар Газар тариалан, хүнсний ногооны үйлдвэрлэл эрхэлдэг аж ахуйн нэгж Гурил, тэжээлийн үйлдвэрлэл эрхэлдэг аж ахуйн нэгж Яс, өлөн гэдэс боловсруулах үйлдвэрлэл эрхэлдэг аж ахуйн нэгж Мал аж ахуй, гахай, шувуу, загас, ан агнуур эрхэлдэг фермер, аж ахуйн нэгж Мах, махан бүтээгдэхүүний үйлдвэрлэл эрхэлдэг аж ахуйн нэгж Малын үржил, мал эмнэлгийн үйлчилгээ эрхэлдэг аж ахуйн нэгж Мал, амьтны эмийн үйлдвэрлэл эрхэлдэг аж ахуйн нэгж Мал эмнэлгийн био бэлдмэлийг шалгах лаборатори Мал эмнэлгийн ариун цэврийн станц, бактери шинжилгээний лаборатори Хөнгөн үйлдвэр, үйлчилгээний салбар Ноос, ноолуур боловсруулах, бүтээгдэхүүн үйлдвэрлэх аж ахуйн нэгж Арьс, шир, ангийн үс, нэхий боловсруулах, бүтээгдэхүүн үйлдвэрлэх аж ахуйн нэгж Арьс, шир, ангийн үс, эсгий, нэхий, ноос, ноолуур боловсруулах үйлдвэрийн дэргэдэх эрдэм шинжилгээ, туршилтын төв лаборатори Зоос, гоёлын зүйлийн үйлдвэрлэл эрхэлдэг аж ахуйн нэгж Хими цэвэрлэгээ, угаалгын ажил, үйлчилгээ эрхэлдэг аж ахуйн нэгж Шил, шаазан, толь, паалан, шавар эдлэлийн үйлдвэрлэл эрхэлдэг аж ахуйн нэгж Мод бэлтгэлийн ажил эрхэлдэг аж ахуйн нэгж Мод боловсруулах ажил эрхэлдэг аж ахуйн нэгж Лаа, саван, шүдэнз, хуванцар, гялгар цаасан эдлэлийн үйлдвэрлэл эрхэлдэг аж ахуйн нэгж Эрүүл мэндийн салбар Байгалийн голомтот халдварт өвчнийг эсэргүүцэн судлах, хортон мэрэгчид устгах болон халдваргүйжүүлэлтийн төв, газар Нян, вирус, шимэгч, шавж, хөгц, мөөгөнцөр, эмгэг судлал, дархлал, ийлдэс, хор, эм, вакцин, биобэлдмэлийн хими, ургамлын хими технологи, эмийн эмчилгээ, туршилтын амьтдын эмгэг анатоми, гистологийн болон биотехнологийн судалгаа шинжилгээ хийдэг эрдэм шинжилгээний хүрээлэн, төв, лаборатори Сүрьеэ, ДОХ өвчнийг анагаах клиник, эмнэлэг, диспансер Соёл, шинжлэх ухааны салбар Ном, сонин, сэтгүүл хэвлэх, борлуулах ажил, үйлчилгээ эрхэлдэг аж ахуйн нэгж Кино, дүрс бичлэг, фото зургийн хальс боловсруулах үйлдвэрлэл эрхэлдэг аж ахуйн нэгж Улсын төв, шинжлэх ухаан-техникийн, кино, батлан хамгаалахын, баримт бичгийн болон бусад салбарын архивын газар Цөмийн болон цацрагийн шинжилгээ, судалгаа эрхэлдэг аж ахуйн нэгж

Эрхэм санхүүчид та бүхэнд санхүүчид бид нарт холбоотой байнга ашиглаж байдаг мэргэжлийн 10 сайтыг танилцуулж байна. Монголын Мэргэшсэн Нягттлан Бодогчдын Институт Тус байгууллага нь нягтлан бодох бүртгэл, санхүүгийн тогтолцоог бэхжүүлэх, компанийн засаглалыг сайжруулах замаар аж ахуй нэгж, төр болон олон нийтийн эрх ашгийн төлөө үйлчлэн, Монгол Улсын хөгжлийг хурдасгахад хувь нэмэр оруулах эрхэм зорилготой. Тус институт нь Дэлхийн нягтлан бодогчдын холбоо болон Ази, Номхон далайн нягтлан бодогчдын холбооны жинхэнэ гишүүн, үндэсний хэмжээнд тэргүүлэгч төрийн бус байгууллагуудын нэг юм. Веб хуудас: http://www.monicpa.mn/ 2. Монгол Улсын Татварын Мэргэшсэн Зөвлөхийн Нийгэмлэг Тус нийгэмлэг нь Т атвар төлөгчид болон татварын албыг холбох гүүр болж, мэргэшсэн гишүүдийг бэлтгэх замаар татварын сайн тогтолцоог бүтээлцэх хувь нэмэр оруулж улмаар Олон улсын стандартад нийцсэн татварын тогтолцооны хөгжилд манлайлагч, мэргэжлийн байгууллага болох зорилготойгоор ажиллаж байгаа төрийн бус байгууллага юм. Веб хуудас: https://www.cpta.mn/ 3. Монголын Мэргэшсэн Үнэлгээчдийн Институт Ту институт нь Монгол улсад үнэлгээний үйл ажиллагааг төлөвшүүлэх, үнэлгээний үндэсний стандартыг боловсруулж мөрдүүлэх болон үнэлгээчид, үнэлгээний байгууллагуудын эрх ашгийг хамгаалах, мэргэжлийн ёс зүйн дүрмийг чанд сахиулах, үнэлгээний мэдээллийн сан бүрдүүлж, гишүүдийг мэдээллээр хангах, тэдний мэдлэг ур чадварыг тасралтгүй дээшлүүлэхэд туслалцаа үзүүлэх, үнэлгээний ажлын чанарт хяналт тавих, гадаад харилцааг хөгжүүлэх чиг үүргийг хэрэгжүүлж улмаар үндэсний үнэлгээний үйл ажиллагааг олон улсын жишигт хүргэхээр ажиллаж байгаа төрийн бус байгууллага юм. Веб хуудас: http://mica.mn/ 4. Монголын Нягтлан Бодох Бүртгэлийн Хүрээлэн Тус хүрээлэн нь Нягтлан бодох бүртгэл, менежмент, маркетингийн асуудлаар төрийн бодлого боловсруулах, хэрэгжүүлэхэд дэмжлэг үзүүлэх, Эрдэм шинжилгээ, судалгааны ажил гүйцэтгэх, Итгэл хүлээлгэсэн нөхцөлд мэргэжлийн төрийн чиг үүргийг гэрээгээр гүйцэтгэх, Нийгэм эдийн засаг, хүний хөгжлийн чиглэлээр төсөл хөтөлбөр боловсруулах хэрэгжүүлэх, Нягтлан бодох бүртгэл санхүүгийн ажилтнуудын мэргэжлийн ур чадварыг дээшлүүлэх арга хэмжээ зохион байгуулах зэрэг үйл ажиллагааг явуулдаг мэргэжлийн төрийн бус байгууллага юм. Веб хуудас: https://mains.mn/ 5. Эрх зүйн мэдээллийн нэгдсэн систем Тус сайт нь Монгол Улсад мөрдөгдөж байгаа бүхий л төрлийн хууль, тогтоол, захиргааны хэм хэмжээний актыг агуулсан хуулийн нэгдсэн сайт юм. Веб хуудас: https://legalinfo.mn/ 6. Монгол банк Монголбанк нь Монгол Улсын хэмжээнд төрийн мөнгөний бодлогыг хэрэгжүүлэгч эрх бүхий байгууллага бөгөөд үндэсний мөнгөн тэмдэгт-төгрөгийн тогтвортой байдлыг хангахад оршино. Веб хуудас: https://www.mongolbank.mn/ 7. Сангийн яам Монгол Улсын иргэдийн амьжиргааны түвшинг дээшлүүлэхэд чиглэсэн санхүү, төсвийн таатай орчин бүрдүүлэх, санхүүгийн оновчтой удирдлагаар хангахад оршдог бөгөөд эрхэм санхүүчдийг нягтлан бодох бүртгэл, аудитын бодлого, удирдлагаар хангах, төрийн сан болон санхүүгийн дотоод хяналтын бодлогоор хангах зэрэг үүрэг хүлээдэг Засгийн газрын яам юм. Веб хуудас: https://mof.gov.mn/ 8. Санхүүгийн Зохицуулах Хороо Санхүүгийн зохицуулах хороо нь санхүүгийн зах зээлийн тогтвортой байдлыг хангах, санхүүгийн үйлчилгээг зохицуулах, холбогдох хууль тогтоомжийн биелэлтэд хяналт тавих, хөрөнгө оруулагч, үйлчлүүлэгчдийн эрх ашгийг хамгаалах чиг үүрэгтэй байгууллага юм. Веб хуудас: http://www.frc.mn/ 9. Эдийн засаг хөгжлийн яам Монгол Улсын Үндсэн хууль, Монгол Улсын Засгийн газрын тухай хууль, Хөгжлийн бодлого, төлөвлөлт, түүний удирдлагын тухай хууль, Бүсчилсэн хөгжлийн удирдлага, зохицуулалтын тухай хууль болон холбогдох бусад хуулийг хэрэгжүүлэх, Монгол Улсын үндэсний, салбар хооронд, бүс нутгийн хөгжлийн урт, дунд, богино хугацааны бодлого, төлөвлөлтийн баримт бичиг, салбар, орон нутгийн хөгжлийн бодлого, төлөвлөлтийн баримт бичиг боловсруулахад нэгдсэн арга зүй, удирдлагаар хангах, мэргэжил, арга зүйн зөвлөгөө, мэдээлэл өгөх, хэрэгжилтэд хяналт тавих үүрэгтэй байгууллага юм. Веб хуудас: http://med.gov.mn/ 10. Хөрөнгийн бирж МХБ-ийн үйл ажиллагааны үндсэн чиг үүрэг нь хувьцаат компаниудын үнэт цаасыг тодорхой шалгуурын дагуу бүртгэн авч ангилал тогтоох, техник программ хангамжийн найдвартай байдлыг хангасны үндсэн дээр үнэт цаасны арилжааны бэлэн байдлыг хангах, арилжааг ил тод, шударга явуулж, олон нийтийг үнэт цаасны арилжааны мэдээ, мэдээллээр хангаж, хөрөнгө оруулагчдын эрх ашгийг хамгаалдаг байгууллага юм. Веб хуудас: https://mse.mn/

Шинэхэн санхүүчид минь бид дараах дарааллаар санхүүгийн тайлангаа бэлтгэж байгаа шүү . НӨАТ-ийн нэгтгэл хүснэгт бэлтгэнэ Ибаримтын нэгтгэл хүснэгт бэлтгэнэ Цалингийн нэгтгэл хүснэгт бэлтгэнэ Харилцахын тайлангаа боловсруулна Кассын тайлангаа боловсруулна Бараа материалын тайлангаа гаргана Ерөнхий журнал бэлтгэнэ Гүйлгээ баланс бэлтгэнэ Санхүүгийн 4 тайлангаа бэлтгэж гаргана ААНОАТ-ын тайлангаа хийнэ Цалин хөлстэй холбоотой тайлангаа хийнэ. Нийслэл хотын албан татварын тайлангаа гаргана.

Эрхэм санхүүчид, компанийн захирлууд, санхүүгийн шинжээчид та бүхэнд НӨАТ-ын тайлан болон Ибаримт хоёрын хоорондын зөрүү, түүнийг хэрхэн хянах, алдааг олж тайлангаа зөв илгээх, Танай байгууллагын НӨАТ-ын үлдэгдэл хэд байгаа, хэд байхаар төлөвлөж байгаа, төлсөн мөнгө хэд болж байгааг зөвхөн нэг хүснэгтээр л хянах боломжтой байдаг гэдгийг харуулахад зориулж ашиглахад хялбар болгож, MS Excel хэлбэрээр хувирган бэлтгэснийг хүргэж байна. Доорх файлыг татаж авна уу .

Эрхэм санхүүчид, компанийн захирлууд, санхүүгийн шинжээчид та бүхэнд НД-ын тайлан болон Цалингийн нэгтгэл хоёрын хоорондын зөрүү, түүнийг хэрхэн хянах, алдааг олж тайлангаа зөв илгээх, Танай байгууллагын НД-ын үлдэгдэл хэд байгаа, хэд байхаар төлөвлөж байгаа, төлсөн мөнгө хэд болж байгааг зөвхөн нэг хүснэгтээр л хянах боломжтой байдаг гэдгийг харуулахад зориулж ашиглахад хялбар болгож, MS Excel хэлбэрээр хувирган бэлтгэснийг хүргэж байна. Доорх файлыг татаж авна уу .